Salman Khan, a shirye yake ya numa bajintar sa a wani sabon fim mai suna “Sultan” tare da abokinsa Aamir Khan, wanda Ali Abbas Zafar, zai kasance daraktan fim din.
Salman Khan, sananne ne wajen tube rigarsa domin nuna suffan jikinsa, kuma daga dukan alamu wani sabon salo ne zai yi a wannan fim din, domin yana son yin duk abunda ya kamata domin burgewa .
Bayan da jarumin ya fito a lokacin shirin Big Boss na 9, jama’a sun fahimci cewa akwai alamun canji, tattare da jarumin ganin cewa yana yawan yin zufa , abunda ya kai shi ga yin amfani da gelen jaruma Sonam Kapoor domin share fuskansa.
Koda yake iyalin Salman Khan, na nuna damuwar su dagane da lafiyar sa domin ba da jimawa ba ne aka gano cewa jarumin na fama da wata cuta dake da nasaba da jijiyoyin kwakwalwa, wanda aka samu yi masa magani a kasar Amurka, kuma aka hana shi aikin kafi dayawa.
Salman Khan, na farin cikin kasancewa jarumin a fim din Sultan kuma zai yi kokarin ganin cewa ya yi abun bajinta a fim din, duk da damuwar da iyalinsa ke nunawa saboda tsoron lafiyar sa .
Kwararu ,sun yi bayani akan Aamir, suna cewa Karin kiba ko rage kiba ya daganci yawan adadin kudin dake tattare da fim din.
‘Yan uwan Salman Khan, na son jin ta bakin masoyan sa ko ya dace ya yi wannan kasadar yin fim din Sultan, ganin yanayin Lafiyarsa.