Sakamakon wasannin da aka buga na tsakiyar mako na La liga sati na biyar kungiyar kwallon kafa ta Barcelona tayi canjaras daya da daya da Atletico Madrid, Granada a gidanta ta sha kashi a hannun Athletic Bilbao da ci biyu da daya.
Real Sociedad ta lallasa Las palmas da kwallaye hudu da daya
ita kuwa Celta Vigo na da biyu sporting Gijon na da daya,
Real Madrid kuwa tayi kunnen doki ne daya da daya tsakaninta da Villareal.
Wannan kunen doki da Real Madrid tayi ya hanata damar karya tarihin Barcelona wanda ta jero wasanni har goma sha shida ba tare da an samu galba a kantaba a lokacin Pep Guodiola yana Mai horar da ‘yan kungiyar .
Itama Real Madrid tayi haka a bana sai dai bata samu daman cin na sha bakwai ba Sakamakon kunnen doki da tayi tsakaninta da Villareal.
Har yanzu Real Madrid ita take saman teburin La-liga na kasar Spain da maki 13 da kwallaye 13, sai Sevilla ke mataki na biyu da maki 11 da kwallaye 10, itaku Barcelona ta dawo matsayi na uku ne da maki 10 da kwallaye 14.
