Tun ana gap da shiga shekara ta 2025, a Jamhuriyar Nijer ‘yan kasar ke ta bitar yanayin da kasar take ciki, dauko daga tattalin arziki da rayuwa mai tsada da yan kasar ke fuskanta, uwa uba ma, maganar tsaro da ta yi ma kasar zobe, kasancewa gabas da yamma, kudu da arewa, yake yake ne kasar ke yi da yan ta'adda suka wa kasar zobe.
Jafaru Sarkin Shanu mai nazarin al'amuran kasa da kasa ne, yana cewa, kasar tana iya tsallake siradi, bayan kammala fita da ECOWAS a shekara ta 2025.
A cikin wannan lokacin ne, na bankwana da shekara ta 2024, wadansu yan Nijer suka bayyana kalubale, da ma tsadar rayuwar da suka fuskanta a wannan shekarar ta bana, duk da yake, suna masu cewa, alheri ya mayike musu daga baya.
Game da ko matsalar tsaro da ta gallabi ‘yan kasar matuka gaya, Liman Amadu ya soma da cewa, sakon shugaban kasar ta Nijer, shi ne, su cigaba da yin addu'o'i da saukar Alkur'ani Mai Tsarki, amma da sakin na mujiya idanu ga abinda ke kai komo a birane da kauyuka a wannan sabuwar shekara, yayin da sauran yan kasar ke neman Allah ya kawowa kasar Zaman lafiya.
Shekara dai mai kamawa ita ce, ta shirin ganin irin inda kasar zata dosa, a lokacin da zata cika shekaru biyu a hannun sojojin kasar.
Saurari cikakken rahoton Harouna Bako:
Dandalin Mu Tattauna