WASHINGTON DC —
Jami’an sun ce an sami gawarsa ne a wani dakin Otal a nan Birnin Washington. Manyan shugabanni a Rasha sun yi magana jim kadan bayan fitar da sanarwar mutuwar Mista Lesin.
Inda Rashar ke neman gwamnatin Washington da ta yi mata bayanin yadda lamarin ya faru, domin an bayyana cewa mamacin ya mutu ne sakamakon masifar wahalarwa a watan da ya gabata.
Kakakin Ma’aikatar Wajen Rasha Maria Zakharova tace wannan bukatar bayani na tafe a cikin diflomasiyya don neman bayani.
Jami’an ‘yan Sandan Amurka a Washington sun bayyana cewa a lokacin da aka sami gawarsa, an gano cewa ya sha wahalar raunuka a kansa, kafadu da kafafuwansa.
