A jiya litini ne shahararren dan wsan kwallon kafar nan mai suna Paul Pogba, ya isa sabuwar kungiyar sa ta Manchester United inda za’a duba lafiyarsa kafin ya bayyana a matsayin dan wasan da yafi kowane tsada a duniya, wanda aka fansa akan zunzurutun kudi kudi Fan Miliyan 89, daga kungiyra kwallon kafa ta Juventus.
Dan wasan na kasar faransa ya shigo jirgi ne daga birnin Nice zuwa filin jirgin sama na birnin Manchester, inda zai kama hanya zuwa filin motsa jiki na kungiyar.
Kungiyar United zata biya dan wasan zunzurutun kudi Euro Miliyan 105, ciki jimlar kudin alawus alawus da kuma sauran kudaden da ke da nasaba da hazakar dan wasa.
Ana kyautata zaton kammala cinikin dan wasan mai shekaru 23 da haihuwa wanda ya taba barin kungiyar ta United a shekarar 2012, kan kudi Fan Milyan 1.5 a cikin wannan makon da muke ciki.
Ana sa ran cewa kungiyar zata zanta da dan wasan domin amincewa akan umurni da dokokin kungiyar koda shike wannan duk suna cikin ka’idojin da aka riga aka sani.
