Kungiyar kwallon kafa ta Manchester City tana shirin biyan zunzurutun kudi har fam miliyan £50 kan sayen dan wasan baya na Leicester City mai suna Ben Chilwell, dan shekaru 21 da haihuwa domin ya maye mata gurbin dan wasanta Benjamin Mendy, mai shekaru 24, wanda yake fama da jinya a yanzu haka.

Dan wasa mai tsaron raga na kungiyar kwallon kafa ta Manchester United David De Gea, na shirin sabunta kwantirakinsa a kungiyar da zai kai karban fam dubu dari hudu £400 a matsayin albashinsa a duk sati.

Kocin Arsenal Unai Emery, na iya bukatar dauko dan wasan baya a watan Janairu da zaran an bude hada hadar 'yan wasa, sakamakon yawaitar tafiya hutun jinya da yayio a cikin kulob din.

Dan wasan tsakiya na Ajax Frenkie de Jong, mai shekaru 21, yace har yanzu bai yanke shawara kan makomarsa a kulob din ba.

Arsenal ta tura tawagarta don sanya ido kan dan wasan Roma mai shekaru 21 da haihuwa Cengiz, dan kasar Turkiya.

Dan wasan baya na gefen hagu a kungiyar Barcelona Jordi Alba, mai shekaru 26 yace suna maraba da zuwan dan wasan gaba na Chelsea Alvaro Morata kungiyar Barcelona.