WASHINGTON, DC —
Shahararren dan wasan kwallon kafa dan kasar Argentina, mai taka leda a kungiyar kwallon kafar Barcelona, Lionel Messi, ya zama dan wasan kwallon kafa na farko a tahiri dai zai jefa kwallaye arba’in, a raga a kakar kwallo takwas a jere.
Lionel Messi, ya taka rawar gani a wasansu da Valencia inda suka doke kungiyar da kwallaye hudu da biyu (4-2) jiya a ci gab da gasar La-Liga.
Luis Enrique, mai horar da kungiyar ta Barcelona, ya ce Messi sai kafa tahiri yake yi kuma haka zai ci gaba da kafawa nasarar da Barcelona tayi ya bata damar cirawa sama zuwa mataki na biyu.