Wasu rahotanni daga kasar Argentina sun bayyana cewa kungiyar kwallon kafa ta Real Madrid, tana daf da kammala sayen dan wasa River Plate mai suna Ezekuel Palacios a wannan satin.

Kungiyar ta River Plate ta amince da cinikin kamar yadda rahoton ya bayyana, an kammala duk wata yarjejeniya a hukumance kuma da zarar dan wasan yadawo daga hutun da kungiyar tabashi sakamakon ciwon da yaji.

Sayan matashin dan wasan da Kungiyar kwallon kafa ta Real Madrid tayi, hakan na nuna cewar yanzu kungiyar tana bada karfi wajan sayan matasan 'yan wasa, ba kamar yadda aka santa a baya ba wajan sayan manyan ‘yan wasa a duniya, inda a 'yan shekarun nan kungiyar ta canja salonta.

An alakanta dan wasan Ezekuel Palacios da komawa kungiyoyin Paris-saint German da Manchester City sai dai Real Madrid, tayi saurin kammala cinikin domin kada wadannan kungiyoyi su shiga gabansu wajan daukan dan wasan.