Biyo bayan canjaras 0-0 da kungiyar Liverpool tayi tsakaninta da Everton a filin wasa na Goodison Park, cikin gasar Firimiya Lig na bana ranar Lahadi 3/3/2019.

Hakan yasa kungiyar ta Liverpool ta kasa darewa kan teburi a mako na 29, inda za ta ci gaba da zama matsayi na biyu da maki 70, tazarar maki daya tsakanita da Manchester City da ke saman Teburin da maki 71.

Yanzu hamayya kan wanda zai lashe kofin Firimiya ya koma tsakanin Manchester City da Liverpool, yayin da ya rage wasanni tara a kammala gasar.

Kungiyar Huddersfield tana kasan Teburinne a mataki na ashirin da maki 14, sai Fulham a matsayi na sha Tara da maki 17.