A yau laraba ne kungiyar kwallon kafa ta Fortuna Sittard, ta fitar da sanarwa a shafinta na yanar gizo ta korar tsahon dan wasan kungiyar kwallon kafa ta Super Eagle, kuma tsaohon kocin kungiyar Sunday Oliseh, a matsayin kocin kungiyar.
Kungiyar ta bayyana cewa babu jituwa mai kyau tsakanin kocin da sauran jiga jigan kungiyar bayan haka kuma ya haifar da rashin dangantaka tsakanin ‘yan wasan da shugabannin su. Mujallar Daily post ta wallafa cewa bayanan da kungiyar ta fitar a shafin ta na yanar gizo ya bayyana cewa;
“kwamitin gudanarwa na kungiyar ya yanke hukunci akan yawaita aikata laifuka na loakci mai tsawo da mai horas da ‘yan wasan ya dade yana yi”
“kungiyar ta dade tana kokari domin ganin cewa ya sauya halin sa amma haka bata cimma ruwa ba, babu dangantaka mai kyau tsakanin mai horas da ‘yan wasan da ‘yan wasan kungiyar da sauran shugabannin ta”.
Oliseh, dai ya jagoranci kungiyar Fortuna, daga farkon kakar wasanni ta bara, zuwa yanzu.
Facebook Forum