Kungiyar kare ‘yancin Bil Adama ta HRW tayi kiran da a gurfanar da masu tada hargitsin siyasa a gaban shari’a

Kungiyoyin biyu sun gabatar da wannan kiran nasu a wata sanarwar hadin guiwar da suka gabatar ran lahadi inda suke cewa a zaben shakarar 2007, ankashe akalla mutane 300 a tashe-tashen hankulan dake da nasaba da zabe.Sanarwar tana mai cewa ana kyautata ganin dakyar ne idan ba’a sami karuwar tashe-tashen hankula a gabanin zaben da za’a gudanar a watan Afrilu mai zuwa ba. ‘Hukumar kare hakkin BilA dama ta HRW da kungiyar lauyoyin Nigeria suka ce kwamatin gyara kundin tsarin zabe da marigayi shugaba Umaru Musa ‘yar Adu’a ya kafa bayan zaben shekarar 2007, ya gano cewa daga lokacin da Nigeria ta sami ‘yancin kanta a shekarar 1960, ba’a taba samun wani dan Nigeria da aka gurfanar dashi gaban shari’a saboda aikata laifukan da suka jibanci nasaba da rikicin zabe ba, ballantana aga an hukuntasu.