‘Yan kwanaki bayan jana’izar Janar Idriss Alkali, babbar kotu ta biyar da ke Jos, babban birnin jahar Filato, ta ba da umurnin a cigaba da tsare mutane 19 da ake zargi da hannu a kisan gillar da aka yi ma tsohon janar din tare kuma da kokarin bad da sawu.
Alkalin kotun, Mai Shari’a Daniel Longji, ya kuma dage sauraron karar zuwa ranar 10 ga watan Disamba, lokacin da za a cigaba zaman sauraren wannan shari’a mai cike da abubuwan tayar da hankali, da kuma nuni da irin matsalar tsaron da Najeriya ke fama da ita.
Rundunar ‘yan sandan jahar Filato ce ta maka mutane 19 din, ciki har da wata wace, wadanda ake zargi da hada baki a aikata ta’asa, da mallakar bindigogi da sauran muggan makamai na bisa ka’ida ba, uwa uba – da aikata kisan gilla ma Janar Idriss Alkali (murabus).
Ga wakiliyarmu ta Jos, Zainab Babaji, da cikakken rahoton:
Facebook Forum