Ibadan, Oyo —
Shirin ‘Kasuwa A Kai Miki Dole’ na wannan mako ya leka babbar kasuwar Bodija ta garin Ibadan da ke jihar Oyo inda shirin ya duba yadda matsalar karancin kudade a hannu ta shafi hada-hadar kasuwanci.
‘Yan kasuwar sun yi wa wakilin Muryar Amurka Hassan Umar Tambuwal bayani kan farashin wasu kayayyaki da suke saida wa.
Sai duk da karancin kudin da wasu suka koka akai, wani mai saida kwadi da kirgi ya ce shi kam sai son barka.
Alhaji Ibrahim Nayade Maiyama, ya ce ana sayen nau’in kwado na gwarno sosai saboda yana da dadi kamar kifi. Ya kuma ce a yini yakan yi cinikin kimanin naira dubu casa’in.
Saurari cikakken shirin a sauti:
