Karamin ministan tsaron Najeriya Bello Mutawalle da wasu manyan jami’an ma’aikatar tsaron Najeriya sun isa sakwato, biyo bayan umarnin shugaba Bola Ahmad Tinubu da ya bukaci manyan jami’an ma’aikatar su tare a jihar Sakwato har sai sun warware bakin zaren matsalar tsaron da ta addabi yankin.
Shugaba Tinubu ya bada wannan umarni ne, bayan mumunar kisar gillar da akayi wa mai martaba sarkin Gobir alh. Isah Bawa wanda ‘yan ta’adda masu satar mutane don neman kudin fansa suka bi shi har gida suka tafi da shi daji.
Dukkanin ministocin ma’aikatar tsaron Najeriya ‘yan yankin arewa maso yammacin Najeriya ne, kuma yankin da matsalar tsaro tayi mata katutu. Ana kyautata zaton cewa zuwan su tushen matsalar zai taimaka ya kuma karfafawa dakarun tsaro su fatataki ‘yan bindigar da suka addabi al’ummomiun yankin.
Dandalin Mu Tattauna