Babban labari ranar Laraba ake sa ran kamfanin Apple zai kaddamar da sabuwar wayar sa ta iphone 6s wadda ke da girman inci 4.7 da iphone 6s plus mai girman inci 5.5, Ana kyautata zaton kamfanin zai kuma gabatar da sabuwar na’urar talabijin wato Apple TV Multimedia Stream.
Duk da cewa Apple ya saba kaddamar da sababbin kayayyakin sa a cikin watan Oktoba na kowacce shekara, taron kaddamarwar da za’ayi ranar Laraba 9 watan Satumba ya zamanto abin mamaki ga kowa.
Kamar yadda Apple ya lasawa mutane zuma a baki na cewar akwai canje-canje da dama cikin sabbin kayayyakin da zai fitar, amma yawancin canjin zai zamanto a cikin manhajar na’urar ne.
Abin mamaki ga na’urar talabijin da kamfanin zai fitar shine tana da fasali kamar na sauran kayayyakin Apple, jikin na’urar akwai wani gurin ‘daukar hotan yatsu, dama gurin da za’a iya dannawa da hotan Apple jiki kamar sauran na’urorin kamfanin, an dai maida hankali wajen zuba duk abinda masu wasannin video game ciki don ganin sun amfana ga na’urar.
Zamu ci gaba da bin diddigin wannan labari.
