Kungiyoyin kwallon kafar Barcelona da AC Milan sun jera sahu guda wajan
ganin sun sayi dan wasan gaba na kungiyar kwallon kafa ta Everton, mai suna Richarlison, domin ya koma daya daga cikin kungiyoyin a kakar wasa mai zuwa.

Dan wasan Richarlison, haifaffen kasar Brazil ne, wanda ya koma Everton daga kungiyar kwallon kafa ta Watford, ya zura kwallaye 13 a wannan kakar wasan hakanne ma yasa wasu ke ganin idan ya hade da babbar kulob zaifi haka kokari.

Barcelona, tace zata sayi dan wasan mai shekaru 21 da haihuwa domin ya maye mata gurbin dan wasanta Luis Suares, wanda a bana baya kokari.sai dai kuma wasu rahotanni dake fitowa, sun bayyana cewa AC Milan tana magana da wakilin dan wasan a Brazil don ganin ta mallake shi.

Ita kuwa kungiyar ta Everton ta sanya zunzurutun kudi har sama da fam miliyan £80 ga duk kulob din da takeson daukarsa, dan wasan inda ake ganin abune mai wahala Barcelona da AC Milan a samu wace zata iya biyan wannan kudin akan sayen dan wasan.

Richarlison ya fara buga wasan ne a kungiyar kwallon kafa ta Mineiro kafin daga bisani ya koma kungiyar Fluminance wanda dukkan su a Brazil suke.