Injiniya Sa'ad Abdullahi Majidadin Gombe yace idan har za'a gudanar da zabe cikin adalci ya bugi kirjinsa cewa APC ce zata lashen zabukan.
Yace batun yin angulu da kan zomo bashi da wani ma'ana. A tsaya ayi APC daga sama har kasa domin shi ne zai taimaki Janaral Buhari ya kwato ma arewa 'yancinta, a dawo da dimokradiya.
Injiniya Sa'ad ya cigaba da cewa a duba gidajen da aka kafa tun zamanin Lord Luggard duk sun sayar dasu kuma sun sace kudaden. Sun sayar da duk kamfanonin gwamnati sun kuma wawure kudin.Tun lokacin da Obasanjo ya kama mulki kudin man fetur yayi tashin goran zabi a kasuwar duniya amma babu kudaden yanzu domin an sace. Talakan Najeriya bai damesu ba sai sata.
Ya kira a hada karfi da karfe da Janaral Buhari domin a fidda kitse daga wuta.
Ga rahoton Nasiru Adamu El-Hikaya.
