A Bollywood sanin kowa cewa sunayen kamar Shah Rukh Khan, Salman Khan, Aamir Khan da Akshay Kumar, sune wadanda ake ganin cewa sune tauraruwarsu ke haskawa a faggen fina finai a Bollywood a ‘yan shekarun nan.
Koina a cikin gari a Indiya zaka ji mutane na fadi cewa ‘yan gidan Khan, yanzu kusa suke rike da Bollywood, kasancewar yadda tauraruwarsu ke haskawa. Ga Kuma kallon da akewa harkokin Bollywood, da cewa maza ke kan gaba inda suke cin karensu babu babbaka a faggen fina finai a Bollywood.
Amma a ‘yan shekarun baya jarumai mata a Bollywood, suma sun yi hubbasa wajan ganin cewa sun taka rawar ganin a harkar fina finai a Bollywood, inda suma suka fara amsan makudan kudade akan fina finai.
Jarumai matan basu tsaya a nan ba domin a wani kididdigar da aka gudanar a Bollywood, ya nuna cewa idan aka hada jimilar abinda aka samu a fina finan Alia Bhatt, Anushka Sharma da Jacqueline Fernandez, da jimilar na Shah Rukh Khan, Salman Khan da Akshay kumar zaku gane cewa matan a wannan karon sun doke su.
A bana dai wadannan jarumai mata sun burge kuma suyi abin bajinta tunda sun doke jarumai maza shin ko hakan zai ci gaba a shekara mai zuwa ko kuma maza zasu kara kaimi a harkar tasu.
