Shugaban Zimbabwe Emmerson Mnangagwa ya mika hannun sulsu jiya Asabar ga Turawan kasar, sannan ya ce ba za a kara mamaye masu gonaki ba.
A wani matakin da ya saba da salon jam’iyyarsa ta ZANU-PF mai mulki, wadda kan dauki Turawan a matsayin baki tare kuma da kwace masu gonaki a karkashin gwamnatin tsohon Shugaba Robert Mugabe, Shugaba Emmerson Mnangagwa ya yi kira ga Turawan da su kada masa kuri’a a babban zaben kasar Zimbabwe da za a yi ranar 30 ga watan Yuli, ya na mai masu alkawarin samar masu da kasar noma.
Mnangagwa na jawabi ne a taron da ‘yan jam’iyyarsu ta ZANU-PF ke kira “Gangamin zawarcin Farar fata,” wanda aka shirya da zummar samun kuri’un Turawa, wadanda mutumin da Mnangagwa ya gada, wato Mugabe, ya kan ce, “matattunsu ne kadai ke da amfani.”
Facebook Forum