Jami'an Tsaron Saudiyya Sun Kashe Wasu Mayaka 8

Kasar Saudiyya ta ce jami’an tsaronta sun hallaka wasu mutane 8 da ake zarginsu da kasancewa ‘yan ta’adda, a yankin Qatif da ke gabashin kasar.

Ma’aikatar Cikin Gidan Saudiyyan ta ce wadanda ake zargin sun mutu ne a musayar wutar da su ka yi da jami’an tsaron kasar a jiya Asabar a tsibirin Tarot.

Gwamnatin Saudiyya ta ce mutanen sun yi ta shirye-shiryen kai harin ta’addanci.