Mutane goma sha daya ne suka tsaya neman takarar kujerar gwamna a jam’iyyar APC a jihar Nasarawa, yayinda mutane bakwai suka tsaya yin takarar sanata, sai mutane ishirin da tara suka yi takarar majalisar wakilai, mutane dari da goma sha bakwai kuma suka tsaya takarar ‘yan majalisar jihar ta Nasarawa.
Sakataren jam’iyyar APC a jihar Nasarawa, Aliyu Bello yace makasudin taron shine don su kira wadanda basu sami nasara a zaben fidda gwanin ba don su goya baya ga wadanda suka yi nasara don cimma burin jam’iyyarsu.
Ita ma Onarabul Mary Enwongulu, wacce ta tsaya takarar sanata amma bata yi nasara ba, tace ta hakura kuma zata goyi bayan wanda yayi nasara.
Shiko Gwamnan jihar ta Nasarawa, Umaru Tanko Almakura yace taron yayi tasiri don duk ‘yan takarar da suka fadi zaben sun rungumi kaddara da alkawarin zasu yi wa jam’iyyar aiki har ta kai ga nasara a zabe mai zuwa na shekarar mai zuwa da ake shirin yi.
Ga Zainab Babaji da rahoton cikin sauti.
Facebook Forum