A yau Juma'a 15 ga watan Maris shekarar 2019 aka raba jadawalin wasan daf da na kusa da na karshe wato (Quarter Final) a gasar cin kofin Zakarun Turai na Champions League.

Kungiyoyin kwallon kafa guda takwas daga kasashen Nahiyar Turai zasu fafata a tsakanisu, domin samun nasarar zagayen gaba. Jadawalin yazo kamar haka:

Kungiyar kwallon kafa ta Tottenham Spurs zata kara da takwararta Manchester City, ranar 9/4/2019 a karawar farko, sai kuma Barcelona ta karbi bakoncin Manchester Utd.

Ita kuwa Liverpool a ranar 10/4/2019 zasu kara da FC Porto, sai kuma Ajax da Juventus, za'a dawo wasan zagaye na biyu ranar 16/17 ga watan Maris na bana.

A daya bangaren cikin gasar kasa ta Zakarun Turai (Europe League) a matakin wasan zagaye na gaba, inda aka fidda jaddawalin kamar haka.

Napoli data fafata da Arsenal, Slavia Prague da Chelsea, sai kuma Villarreal ta karbi bakoncin Valencia, Benfica da Eintracht Frankfurt. Za'a fafata a wasanne ranar 11 ga watan Afirilu na bana.