Bam Na Kasuwar Maiduguri: Mutane Akalla 15 Suka Mutu Zuwa Yanzu

Wani bam da aka dana cikin mota ya tashi, ya kashe mutane akalla 15 yau talata a Maiduguri, babban birnin Jihar Borno.

Wannan bam ya girgiza shatale-tale mafi girma a Maiduguri, dab da kasuwar nan ta "Monday Market" inda kananan 'yan kasuwa maza da mata suke tare a gefen hanya su na sayar da gyada da goro.

Ma'aikatar tsaro ta fada cikin wani sako cewa wata nakiya ta tashi cikin wata motar dake cike da gawayi, kuma an rufe wannan wurin.

Akwai mata tsoffi da yara kanana dake yin bara a wannan shatale-tale cikinw adanda suka rasa rayukansu.