Kungiyar Enyimba na ci gaba da rike matakinta na farko kan teburin wasan lig lig da ake na Najeriya, yayin da ta doke kungiyar Wikki Tourists daci biyu da nema, a filin wasan Enyimba.
Kaftin Chenedu Udoji ne ya bude da zarga kwallon farko a raga, minti biyar bayan dawowa daga hutun rabin lokaci Udoji kara wata kwallon a bugun fanalti. Yanzu dai kungiyar na maki 58 daga wasanni 31.
A daya bangaren kuma kungiyar Sunshine Stars sun doke Abia Warriors da ci daya da nema 1-0, a filin wasan Akure Township.
Warri Wolves dai sun rike Kano Pillars a gida inda aka tashi kunnen doki 1-1, Sukuma Sharks sun saukakawa kansu alokacin da sukayiwa takwaransu Dolphins ci daya mai ban haushi.
Rangers sun shigo ta baya inda sumami Kwara United da ci 2-1 a filin wasan Nnamdi Azikiwe dake Enugu. Sai kuma wasannin da akayi kunnen doki wanda suka hada da FC Ifeanyi Ubah da Giwa FC, itama Taraba da El-Kanemi Warriors sun tashi 1-1 a Janlingo.
