Masu zanga zangar rike kwalaye masu rubutu dake jan hankali ga bukatunsu, sunyi maci zuwa ofishin gwamnan jihar Arch.Darius Dickson Isiyaku, inda kwamishiniyar harkokin mata Malama Loise Emmanuel ta amshi takardan kokensu.
Masu fama da nakasar sun ce suna bukatar gwamnatin jihar ta rika daukarsu aiki kamar yanda wasu jihohin ke yiwa mutanensu dake fama da nakasa saboda sun gaji da yawon barace barace. Sun kuma ce ana nuna musu wariya wurin daukarsu aiki, a binda yasa suka yi kira ga gwamnati ta kawo karshen wannan bambanci.
Kwamishina Loise Emmanuel, amadadin gwamnan jihar, ta basu hakuri tare da yi musu alkawarin za duba koken nasu. Tace a can baya ta bada umarni da a dauki wasu mata guda biyu masu fama da nakasa, maganar da ya tada hayaniya wanda ke tabbatar da masu zanga zangar basu lamunta da maganar ba.
Facebook Forum