A yau Alhamis 31/8/2017 za'a rufe saye da sayarwa na ‘yan wasan kwallon kafa na duniya na shekarar 2017, da misalin karfe sha biyu na dare agogon Najeriya, Nijar, kamaru, da kasar Cha
Kafin rufewar kungiyar kwallon kafa ta Liverpool, dake kasar Ingila ta kammala cinikin dan wasan tsakiya na Arsenal, Alex Oxlade Chamberlain, akan kudi fam miliyan £35.
Ita kuwa Arsenal, tana gaf da kammala cinikin dan wasan gaba na PSG, Julias Draxler, mai shekaru 23, da haihuwa don maye gurbin Alexis Sanchez, wanda yake yunkurin komawa Manchester City a bana.
Inda ita Manchester city ta saka fam miliyan £70 akan dan wasan sai dai ita Arsenal tana bukatar Manchester city ta hada mata da Raheem Sterling, kafin ta amince da cinikin.
Kungiyoyin Barcelona, da Chelsea, da kuma Tottenham, duk suna zawarcin dan wasan Leicester city Riyad Mahrez,
Har yanzu ana ta jayayya tsakanin Barcelona da Liverpool, kan batun sayen dan wasan tsakiya na Liverpool, Philippe Coutinho,
Ita dai Liverpool, ta ki amincewa da ta sayar dashi, Barcelona kuwa ta lashi takwabi wajan ganin ta kammala cinikin dan wasan kafin nan da wasu awanni da za'a rufe hada hadar na bana.
Facebook Forum