A bangaren hada hadar ‘yan wasan kwallon kafa na duniya me yuwa dan wasan gaba na Arsenal Alex Sanchez, na iya barin Kungiyar don kumawa Kungiyar kwallon kafa ta Bayern Munich, inda abokinsa Arturo Avidal yake in ji tsohon dan wasan Arsenal Thierry Henry.
Manchester United, ta cimma yarjejeniya wajan sayar da dan wasanta Memphis Depay, wa kungiyar kwallon kafa ta Lyon akan kudi fam miliyan £21.6.
Shi kuwa Antonie Griezmann na Atletico Madrid, yace sun fara cimma yarjejeniya da kungiyar Manchester United, musamman tawajan albashin da zata dinga bashi da kuma Irin lambar rigar da yakeso a bashi a kungiyar Manchester united, dai tasa fam miliyan £100 domin sayen dan wasan.
Real Madrid na shirin sayen dan wasan AIK mai suna Alexander Isak mai shekara sha bakwai da haihuwa akan kudi yuro miliyan €10 Wanda yake taka leda tamkar Zlatan na Manchester united.
Ita kuwa Manchester City, ta ware fam miliyan £86 domin zawarcin mai tsaron raga na Atletico Madrid, Jan Oblak, Tottenham na neman Ranocchi daga kungiyar kwallon kafa ta Watford.
Shikuwa dan wasan tsakiya na Bayern Munich Xavi Alonso yace zai ajiye takalmansa na taka leda a karshen kakar wasan bana.
Michail Antonio na Westham United yace ya shirya tsaf don sake Rattaba hannun a kungiyar tasa na tsawon shekaru biyar da rabi inda zai karbi fam dubu £70 duk sati a matsayin albashi.
