Dan kwallon kafar PSG dan kasar Brazil Neymar, mai shekara 27 da hahuwa ya yi watsi da tayin da Real Madrid tayi masa, inda ya bayyana cewa yana bukatar ya koma tsohowar kungiyar sa ta Barcelona, kamar yadda wasu mujallu suka ruwaito.

An yi wa Tottenham tayin sayen dan wasan Jamus Julian Draxler, mai shekaru 25, a duniya don ya maye gurbin dan wasanta dan kasar Denmark Christian Eriksen, mai shekara 27 wanda yake shirin barin kungiyar don komawa Real Madrid.

Manchester United tana zawarcin dan wasan kulob din Ajax, mai suna Matthijs de Ligt, sai dai dan wasan yafi bukatar ya koma PSG ko kuma Barcelona, a wannan kakar wasa mai zuwa wasu kafafen yada labarai sun bayyana cewa anfi tsammanin zai koma kungiyar Paris-saint German ne.

Dan wasan kungiyar Juventus dan kasar Portugal Joao Cancelo, mai shekaru 25 a duniya yana kan hanyarsa ta koma kungiyar Manchester City a kan kudi fam miliyan £44.

Manchester United tana kokarin sayen manyan 'yan wasa biyu kafun fara kakar wasa mai zuwa, inda take zawarcin dan wasan Monaco, Youri
Tielemans, mai shekara 22, da haihuwa wanda yake fafatawa a
Leicester City a matsayin aro, idan Paul Pogba ya bar kungiyar a kakar ta bana, wanda shima ake alakantashi da komawa Real Madrid.