Kungiyar kwallon Kafa ta Manchester City tana shirin kammala cinikin dan wasan gefe daga kulob din Leicester City, mai suna Riyad Mahrez, mai shekaru 27 da haihuwa akan kudi fam miliyan £75.
Liverpool ta kara kaimi wajan sayen dan wasan tsakiya kuma Kaftin a kungiyar Lyon, mai suna Nabil Fekir mai shekaru 24 a duniya bisa darajar kudi fam miliyan £60 wanda zasu fara tattaunawa a satin da za a shiga kan batun.
Manchester United, ta sa ido kan dan wasan tsakiya na kungiyar Aston Villa, mai suna Jack Grealish dan shekaru 22 a duniya, don ganin ta kawo shi kungiyarta.
Napoli ta yi watsi da tayin kudi fam miliyan £39 wanda kungiyar Manchester City, ta yi akan dan wasan tsakiyarta mai suna Jorginho, inda ta bukaci a biya ta fam miliyan £52 kan dan wasan dan kasar Itali.
Daraktan wasanni na kungiyar Kwallon Kafa ta AS Roma. ya ce babu wata kofa da zasu bayar kan mai tsaron ragarsu mai suna Alisson mai shekaru 25, wanda ake alakant ashi da komawa kungiyar Liverpool.
Domin karin bayani, saurari cikakken shirin a nan.
Facebook Forum