Yanzu haka dai jama’a da kuma wasu kungiyoyin cigaban jihar Taraba,sun fara maida martani game da matakin da gwamnatin jihar ta dauka na sayar da wadansu kadarorin gwamnatin jihar da suka hada da wadansu jiragen saman jihar, da wasu gidajen gwamnatin jihar dake biranen Abuja,da Kaduna batun da 'yan jihar Taraban ke ganin bai dace ba.
Wadansu kungiyoyin cigaban jihar sun kira wani taron manema labarai domin nuna fushi da kuma kin amincewa da wannan mataki da gwamnatin jihar ta dauka musamman a wannan lokaci da bai wuce watanni biyu ba a kafa sabuwar gwamnati.
Da yake maida martani dangane da lamarin, mukaddashin gwamnan jihar Mr. Sani Abubakar Danladi yace gwamnatin jihar ta dauki wannan mataki ne domin samun kudaden shiga.
Ga cikakken rahoton da wakilinmu Ibrahim Abdul’Aziz ya aiko mana da Yola
