Shugaban kungiyar kwallon kafa ta Real Madrid, Florentino Perez na tunanin canza akalarsa daga neman dan wasan Manchester United, Paul Pogba da kuma Cristian Eriksen dan wasan Tottenham.

Har yanzu dai an kasa cimma yarjejeniya akan Pogba da kuma Cristian Eriksen wayanda Real Madrid, suke sha'awar ganin sun dauko su domin su taimaka musu a kakar wasan bana.

Mai horas da kungiyar ta Real Madrid Zinade Zidane, ya bayyana cewa har yanzu kungiyar tana kasuwa, domin kara sayan wasu ‘yan wasan sai dai in bukatar su na sayen wadannan 'yan wasa yaci tura, zasu koma neman dan wasan kungiyar kwallon kafa ta Napoli, Fabian Ruiz, dan kasar Spain.

Dan wasan Ruiz ya haskaka a kakar wasan data gabata a kungiyarsa ta Napoli, hakanne ma yajanyo hankalin kungiyoyin kasar Spain wadda suka
hada da Barcelona da Real Madrid suka nuna sha'awar ganin sun saye shi.