Manchester United da Arsenal sun bayyana sha'awarsu ta ganin sun dauko dan wasan tsakiya na kungiyar Paris-saint German, Edinson Cavani, mai shekara 32 da haihuwa.

Chelsea, ta ce dan wasan baya na West Ham dan kasar Faransa, Issa Diop mai shekara 22 da haihuwa, shi ne dan wasan da suka sa a gabansu wajen ganin sun dauko shi a watan Janairun bana, inda ta sanya kudi fam miliyon £40.

Kungiyoyin Tottenham, Arsenal da kuma Manchester United na rige-rigen dauko dan wasan baya na Barcelona, Samuel Umtiti mai shekara 26 a duniya.

Tsohon mai horas da kungiyar kwallon kafa ta Juventus, Massimiliano Allegri, ya ce ya jinkirta dawowa horaswa ne saboda tsammanin cewar kungiyar Manchester United, za ta ba shi aiki in har ta sallami kocinta Ole Gunnar Solkjaer.

Crystal Palace ta yi watsi da kalaman kungiyar Bayern Munich da take yi na sayen dan wasanta Wilfred Zaha.