WASHINGTON, DC —
Fadar shugaban Najeriya, ta tabbatar cewa an sako wasu daga cikin ‘yan matan makarantar mata na garin Chibok, su ashirin da daya daga cikin fiye da dari biyu da ‘yan Boko Haram, suka sace.
Rahotani na cewa da sanyin safiyar yau alhamis, ‘yan kungiyar ta Boko haram, suka fito da ‘yan mata ashirin da daya a yankin Banki dake jihar Borno, inda daga bisani jirgin saman Sojoji, mai saukar Ungulu ya dauki ‘yan matan.
Da yake tabbatar da sako ‘yan matan mai taimakawa shugaba Muhammadu Buhari, da harkar yada labarai malam Garba Shehu, yace yanzu haka ‘yan matan na hannun jami’an tsaron na farin kaya watau DSS.