Ajen Robben ya bada tabbacin cewa zai bar kungiyarsa ta Bayern Munich a watan Yuni mai zuwa, a lokacin da zai kammala yarjejeniyarsa da ya kulla da kungiyar.

Dan wasan Robben zai cika shekaru 35 da haihuwa a watan Janairu mai zuwa 2019, dan wasan bai samu damar bugawa Bayern Munich wasanni biyu ba, saboda raunin da ya je fama dashi a cinyarsa, sai dai a yanzu ya murmure daga raunin.

Amma duk da samun sauki da dan wasan yayi, bai samu damar buga wasar da kungiyar tasa tayi na gasar zakarun Turai a ranar Laraba da ta gabata ba, tsakaninsu da kungiyar Ajax a birnin Amsterdam inda suka tashi 3-3.

Tsohon dan wasan kasarsa ta Holland ya fara buga wasa wa kungiyar kwallon kafa ta Bayern Munich tun a shekarar 2009, ya kuma samu nasarori da dama a kungiyar wajan lashe kyaututtuka da kofuna musamman a bangaren Bundisliga na kasar Jamus.