Mai kare ragar da yaci gasar kofin duniya da aka kamala a baya-bayannan, na bayyana damuwarsa saboda jera shi da aka yi da fitattun ‘yan wasa guda biyu wadanda aka sani a duk fadin duniya wajen karbar kyauta.
Manuel Neuer yace ragowar ‘yan wasan biyu wato Cristiano Ronaldo da Messi sun fishi tagomashi wajen cin kofin Ballon d’Or .
Golan na kasar Jamus yayi fice saboda sauya ayyukan gola da yayi, wajen nuna kwarewa da iya dukan kwallo, bugu da kari shine ya kare ragar Jamus a lokacin da ta ci kofin duniya, da kuma Bayern Munich a lokacin da ta cinye gasar Champions.
Amma dan wasan baya tunanin zai ci kofin saboda fitattun ‘yan wasa wato Ronaldo da Messi da aka jera shi dasu.
Manuel Neuer yace yana alfahari da kasancewa a cikin jerin sunayen wadanda za’a baiwa wannan kyauta, amma yana tunanin an fi sanin ragowar ‘yan wasan guda biyu a duk fadin duniya.
