WASHINGTON D.C. —
Hukumar kare yaduwar cututtuka ta NCDC a Najeriya, ta ce adadin wadanda suka kamu da cutar COVID-19 a kasar ya kai 305.
Adadin ya kai wannan mataki ne bayan da aka samu karin mutum 17 da ke dauke da cutar a sassan kasar.
“A ranar 10 ga watan Afrilu, an samu sabbin masu dauke da cutar COVID-19 17 a Najeriya.” NCDC ta bayyana a shafinta na yanar gizo.
“Ya zuwa yanzu, ana da tabbacin mutum 305 ke dauke da cutar, an sallami mutum 58 kana bakwai sun mutu.”
Cikin mutum 17 da aka gano, 8 a Legas suke, uku a Katsina, biyu a Abuja, daya a Niger, daya a Kaduna, daya Anambra sannan daya kuma a Ondo,” kamar yadda shafin na NCDC ya nuna.
Facebook Forum