Dan wasan kungiyar kwallon kafa ta Juventus Claudio Marchisio ya sanar
da a jiye takalman buga wasan tamola.

Dan wasan dan asalin kasar Italiya mai shekaru 33 da haihuwa, ya fara buga wasa tun yana dan shekaru 7 a duniya, a kungiyar Juventus inda ya samu nasarar lashe kofin gasar Serie A har guda 7 a kungiyar.

Bayan haka ya buga wasanni 400 wa kulob din Juventus, daga bisani ya canza sheka zuwa kulob din Zenith St Petersburg a shekara ta 2018, a nan ne ya samu raunin da ya hana shi kwazo wajen buga wasanni.

A kasarsa ta Itali kuwa Marchisio, ya buga mata wasanni sau 55. Bayan haka kuma yana cikin tawagar 'yan wasan ta da suka halarci wasan karshe na gasar cin kofin kasashen nahiyar Turai a shekara ta 2012.