WASHINGTON DC —
A cikin wani sakon da ya saka a dandalin duniyar gizo na YouTube, Trump yace ya umurci mukarabbansa masu shirye-shiryen kama ragamarsa ta mulki, da su lissafa mishi abubuwan da zai yi a ranar farko ta kama aikin nashi.
Yace duk wadannan aiyukkan dole su kasance manufar su itace “maido da dokokinmu da kuma aiyukkan yi ga jama’armu.”
Trump yace daya daga cikin matakan farko da zai zartas a ranar farko da kama aikin nashi shine fitar da Amurka daga cikin Kungiyar Bunkasa Harakokin Kasuwanci da Hadin Kai ta Trans-Pacific, da kuma neman a sake shata ka’idojin dake cikin yarjejeniyar kafa ta.
