Shugaban kasar Sin Xi Jinping mai yakar cin hanci da rashawa ya kori wani babban jami'in sojoji daga kwamitin zartaswar jam'iyyar kwaminisanci mai mulkin kasar.
Guo Boxiong dan shekara 73 da haihuwa daya cikin manyan jami'an sojojin kasar ana zarginsa da karban na goro kafin a karawa sojoji girma. An cireshi daga jam'iyyar jiya Alhamis kana aka mikashi ga mahukntan sojojin kasar.
A watan Maris aka soma binciken dansa Guo Zhenggang akan zargin aikata laifuka da ba'a bayyana ba kafin a kawo kan shi Guo Boxiong a watan Afirilu
An jima ana zaton hakan zata faru kamar yadda aka saba gani yana faruwa a kasar
Guo Boxing zai gurfana gaban kotun dake karkashin ikon jam'iyyar kwaminisanci lamarin da ya sa ana kyautata zato za'a sameshi da laifi a kuma daureshi
