Wata fitacciyar ‘yar siyasa da ke zaune a birnin Kadunan arewacin Najeriya mai suna Hafsat Baba ta yi kira ga ‘yan’uwanta mata da su yi hakuri game da batun raba mukami a gwamnatin Najeriya tunda, a cewarta, yanzu aka fara.
A hira da abokin aikinmu Usman Kabara, Hajiya Hafsat ta ce Shugaba Muhammadu Buhari ya sha jaddada cewa zai tafi da mata a gwamnatinsa, ba zai yi watsi da sub a. Ta ce ko Ministar Mata, Hajiya Jummai Alhassan kasancewarta Sanata, ta san al’amuran da su ka shafi mata sosai. Kodayake ta na fatan za ta dare kan kujerar gwamnan jahar Taraba kamar yadda alamu ke nunawa, inji Hajiya Hafsat.
Hajiya Hafsat ta ce ba wai mata na neman daidaita kansu da mata ba ne. So kawai su ke ayi dalci. Kuma bai kamata a rinka ruruta laifin mata ana sakaya na maza ba.
Ga cikakkiyar hirar:
