Dan APC Yau Ciroma yace kodayake tafiyar tana tanga-tanga shugaban yana nan kan bakarsa muddin ya tabbatar wanda yake aiki dashi barawo ne zai kawar dashi ya fuskanci sharia.
Yace shi shugaban kasa dole ne ya sanya rigar soja tare da takalmin karfe ya yaki cin hanci da rashawa.
To saidai PDP na adawa da kafa kwamitin bincike da mutanen gwamnati maimakon a sa wasu dake zaman kansu. Tana ganin ba za'a yi adalci ba.
Barrister Abdullahi Jalo wanda yayi magana a madadin jam'iyyarsa ta bangaren Ahmed Makarfi yace ga mutum an sameshi da sata kana an nada aminansa wai su bincikeshi, yana cewa tamkar rena hankali ne.
Amma dan PRP Alhassan Kakale yayi na'am da matakin na gwamnati. Dakatar da jami'an biyu ya nunawa duniya cewa ko dan cikinsa aka sameshi da yin zarmiya zai hukumtashi, inji Kakale.
Ga rahoton Nasiru Adamu El-Hikaya da karin bayani.
Facebook Forum