WASHINGTON D.C. —
Arsenal ta ki amincewa da sayar da dan wasanta Alex Iwobi ga kungiyar kwallon kafa ta Everton a gasar Premier League a Ingila, wacce ta taya shi kan kudi Pam miliyan 30.
Jaridar yanar gizo ta TalkSport ce ta bayyana hakan a yau Laraba, yayin da ake shirin rufe kasuwar ‘yan wasa a gobe Alhamis.
Gidan talbijin din wasanni na Sky Sport, shi ma ya ruwaito cewa, Gunners, ta yi watsi da tayin na Everton.
A daya bangaren kuma, kungiyar ta Arsenal, tana zawarcin dan wasan Barcelona Samuel Umtiti wanda suke so su karbo shi a matsayin aro.
Rahotanni sun yi nuni da cewa, kocin kungiyar Unai Emery, na kokarin ya ga ya karfafa tsaron bayansa, lamarin da ya sa yake neman dan wasan wanda dan asalin kasar Faransa.
Facebook Forum