Kulob din Arsenal ya kasa kai wa wasan kusa da karshe wato kwata fainal a gasar kofin zakarun turai duk kuwa da doke Monaco da tayi da ci 2 – 0 a faransa ranar talata da ta gabata.
Arsenal ta bukaci kwallaye 3 – 0 ne domin kaiwa gasar daf da karshe, kuma tayi azama kwarai amma daga karshe tayi nasarar jefa kwallayen ta 2 ta hannun Olivier Giroud da kuma Aaron Ramsey inda wasan ya tashi tsakanin su da jimillar kwallaye 3 – 3.
Duk da yake Monaco tayi azama kwarai wajan kokarin hana ‘yan wasan walwala a fagen daga, amma yaran Arsen Wenger sun nuna alamun samun galaba kuma sai hakan ya kasance cikin mintuna 10 daf da tashin wasan a sakamakon canjin Aaron Ramsey da Theo Walcott.
A karawar farko ne Monaco ta doke Arsenal da ci 3 – 1 a Emirate, kuma wannan shine makasudin hana Kulob din na Arsenal wucewa gasar karshen. Wannan dai shine karo dai-dai har na biyar da Kulob din Arsenal ya kasa kaiwa wasan daf da na karshe wato kwata fainal a wasannin zakarun turai.
