WASHINGTON, DC —
Janar Mahamadu Magoro shugaban kwamitin harakokin tsaro a majalisar dattawan Najeriya, kuma wanda aka dorawa nauyin jagorantar binciken abubuwan da suka faru a Baga ya kai ziyara jahar Borno tare da tawagar sa. Ma'aikaciyar Sashen Hausa Jummai Ali wadda ke jahar Borno yanzu haka ta tattauna da Janar Mahamadu Magoro da kuma Kanal Saghir Musa kakakin rundunar musamman ta tabbatar da tsaro a jahar Borno, JTF. Janar Magoro ne ya fara yiwa Jummai Ali karin haske a kan ayyukan da aka dorawa kwamitin su na binciken abun da ya faru a Baga.
Kwamitin janar Magoro na ci gaba da neman tantance gaskiyar al'amarin da ya faru a Baga
