Wani karamin tsibiri da ke gefen gabar tekun Afirka wanda aka san shi da rawar da ya taka a lokacin cinikin bayi, ya canza sunansa sakamakon mutuwar George Floyd da kuma fafutukar jaddada muhimmacin rayukan bakaken fata ta “Black Lives Matter “ da ake yi a duniya.
Tsibirin Goree, mai nisan ‘yan kilomitoci daga gabar tekun Senegal, ya ba da sanarwar a jiya Talata cewa, yankin da aka sani da "Yankin Turai" ko kuma “Europe Square” a turance za a canza sunansa zuwa “ Freedom and Human Dignity Square” a turance, wato dandalin ''Yanci da Mutunta dan Adam” bisa shawarar da majalisar gudanawar yankin ta yanke.
Sunan yankin ya samo asali ne a shekarar 1998 bayan da wasu kudade da nahiyar turai ta bayar wajen sake gina shi wanda yana daya daga cikin wuraren da hukumar adana kayayyakin tarihi ta UNESCO ta ware a matsayin wajen tarihi.
Facebook Forum