Wadanda suka raunata dai galibin masu tafiya a kafa ne a daidai lokacin da aka fi yawan samun zirga zirgar jama’a da safe, a cewar jami’ai daga ma’aikatar cikin gidan Afghanistan.
Jami’ai sun ce fashewar da ta auna jerin gwanon motocin Saleh wani bom da aka binne a bakin hanya ne ya yi sanadinta.
Saleh ya tsira daga harin a cikin motarsa mai kariyar harsashi amma ya samu ‘yan raunuka a fuska da hannayen sa.
Ba da daɗewa ba bayan harin, Saleh ya sanya wani saƙon bidiyo akan shafin Facebook inda ya bayyana abinda ya faru.
"Fashewar ta yi karfi sosai har ta narkar da tagogin motata," a cewar Saleh. Ya kara da cewa yanzu ya fahimci yadda jami'an tsaron kasar ke fuskantar irin wannan yanayin a kullum.
Ya kuma jajanta wa mutanen da suka rasa rayukansu ko dukiyoyinsu sakamakon harin.
Facebook Forum