A shirinmu na mata a yau mun zanta da jami’ar walwala ta Gidauniyar Kwandala foundation inda a shekarar da muka yi ban kwana da ita ne suka taimaka wa 'yan gudun hijira.
Malama Amina Dogarai ta ce gidauniyarsu na taimakawa masu karamin karfi mussaman ma mata da kananan yara, wani lokacin ma har da marasa karfi
Ta ce a duk karshen shekara su kan kai taimakonsu wurare daban daban inda a wannan shekarar suka je gidajen masu rangwamen hankali na Dawanau da 'yan gudun hijira mussaman ma marayun da gwamnatin Kano ta yi wa gida a Kano
Daga cikin kayayyakin da suke bayar wa sun hada da kayan abinci , da kayan sawa da kayayyakin masarufi
Idan kuwa matsalar ta rashin lafiya ce sukan kai marasa lafiya asibitoci domin a duba lafiyarsu
Ta bukaci jama'a masu hannu da shuni da taimakawa masu gudun hijira.
