Wani dalibi dake kokarin kammala karatun digirin farko a jami’ar Harvard, dake kasar Amurka. Zai mika aikin karshe don samun takardar shedar kammala karatu a jami’ar da tafi kowacce jami’a girma a duniya.
Obasi Shaw, mai shekaru 20, ya rera wakoki 10, mai taken ‘Sabuwar Zuciya’ matashin dai ya bayyanar da samun wannan sha’awar ta waka, a irin rubuce-rubuce da ya keyi na labarum almara.
Aikin matashin da suka hada da wakoki 10, suna daga cikin aiki da ba’a taba samun irin shi ba, a tarihin jami’ar Harvard tun bayan kafata da akayi, a shekarar 1636, kimanin shekaru 380 da suka gabata.
Duk wani dalibi da zai kammala karatun digiri da yake da bukatar kammalawa da lambar yabon karramawa, sai yayi rubuce-rubuce, wanda zai tabbatar da kwarewar dalibin a fannin shi.
Dalibin da bai da bukatar hakan, ba sai yayi rubuce-rubucen ba. Amma Obasi, ya zabi rera wakoki 10, a matsayin aikin shi na karshe don samun lambar yabo mafi girma, daga jami’ar Harvard.
