Dan wasn tsakiya na kasar faransa mai taka leda a kungiyar kwallon kafa ta Manchester United, mai shekaru ashirin da uku a duniya Paul Pogba, ya lashe kyautar dan wasan da yaci kwallon da tafi kowace kwallo kyau a watan Oktoba da ya wuce a kungiyar Manchester United (MUFC Goal of the Month )
Pogba ya samu wannan nasaranne a wasan da kungiyar ta Manchester tayi da takwararta ta Fenerbahce ranar ashirin ga watan oktoba 2016, a gasar cin kofin Yurofiyan lig, na bana inda Manchester ta samu nasara akan su daci 4-1.
Pogba ya samu damar jefa kwallaye har biyu a ragar Fenerbahce inda ya zura kwallonsa ta farko a cikin mintuna 32, da fara wasa daga bisani ya sake jefa ta biyu a mintuna na 45.
A yanzu haka Pogba ya jefa kwallaye hudu kacal a Manchester United tun zuwan sa na farkon kakar wasan bana.
Yanzu haka shi ke kan gaba a wajan tsadar 'yan wasan kwallon kafa a duniya akan zunzurutun kudi har fam miliyan £89.
