A wasan da aka buga jiya na neman shiga gasar Champions League, na shekara ta 2016 zuwa 2017, an kara wasa na biyu inda Hapoel Be’er, ta samu nasara akan Celtic, da kwallaye biyu da nema.
A karawarsu na farko Celtic tayi nasara akan Hapoel Be’er, da ci biyar da biyu wannan ya baiwa Celtic, damar shiga sagayen wasan champions league na wannan shekaran inda take da kwallaye biyar hapoel Be’er, nada hudu.
Legia War, sun kara da kungiyar kwallon kafa ta Dundalk, inda suka tashi kunnen doki daya da daya a karawarsu na biyu, a karawar farko Dundalk ta sha kashi a hannun Legia War, da kwallaye biyu da nema, inda yanzu Legia War, din ke kan gaba da kwallaye ukku da maki shida.
Monaco ta samu nasara akan Villarreal, da ci daya mai banhaushi, yayin da Monaco ta bi Villarreal har gida ta shata biyu da daya akarawarsu na farko, Monaco ta samu nasara inda take da kwallaye ukku ita kuwa Villarreal nada daya.
Roma kuwa ta sha kashi ne a hannun Porto, da ci ukku da nema inda Porton suka buga kunnen doki a wasan farko abinda ya baiwa Porto damar zuwa zagaye na gaba.
